| Profil de JersyJersy说...PhotosBlogListes |  Outils  Aide |
|
|
27/07/2009 命仔紧要啊每次去香港，都会遇到奇怪嘅事情。上次係腐蚀性液体，呢次就係车祸现场。唔係最大锅果单，但都死咗个婆婆...为咗揾电话卡买，盲中中就兜咗去果头，见到果部废铁车停咗喺度，车轮下仲压住杂物，周围有警车、阿sir，旁边有个绿色帆布好似盖住乜嘢...开始好奇睇咗一阵，好快不约而同意识到乜事，不寒而栗，急急脚走人。马路如虎口，交通规则要遵守，安全第一，吥吥~命长久！
早上食早餐太休闲啦，miss咗班火车，搞到我企咗一个钟。去到东涌，遥望咗下缆车，下次，我一定要鼓起勇气，坐360果个！最开心晚上见到发发，仲係咁靓仔哈！去了香港书展，人山人海，但好有秩序，长见识了，淘到唔少好嘢；遇到公司嘅同事，打打气先~
每次去香港，都有同样嘅感受。佢哋服务态度好，游客就好开心啊，但我感觉佢哋快要逼死自己啦...每日都将自己绷得咁紧，保持快节奏嘅生活同工作，每样嘢都要设想周到并保持令人愉悦嘅服务质量，日复一日，年复一年，太崩溃啦！有压力，未解决啊！ 16/06/2009 婚上周某天
一大清早，刚坐下来，就收到一封喜帖，电子的，心中顿时有一阵莫名的感动！之前总有一种被遗忘的沮丧，总算还有人记得我了！但这是要付出代价的...
数小时后，某人跟我说收到求婚戒指了，如何如何的浪漫，如何如何的感动~看来也差不多了，要时刻准备着！
又若干小时后，某人辞职，理由是为了存老婆本结婚而卖命去了~太伟大了！
这天是什么好日子？这个话题一直贯彻始终！
看来今年真的是好年，大家都争先恐后了！
另一个某天
与好久没碰面的亲密好友（似乎有点矛盾）及其亲密爱人（说得有点恶心）见面了，得见其庐山真面目，豁然开朗！
本来，对我来说，他们身上有很多的不可思议，很多的难以理解。
谈笑间，似乎所有的疑惑都消散了，一切都是那么理所当然！
又证明了，感情的事是不能用智商来解决的。 09/06/2009 母子平安十斤四两！！！吓死我了！！！好像从来没听过有这么重的！看来最近流行生儿子，恭喜恭喜！
剖腹产，她肯定嚷嚷着她的比坚尼...哈哈哈，抹点东西会淡的，而且这也是一种美嘛。
令我想起我的“割腕”，虽然好了，但有一块疤...很丑！！！伤心！！！抹什么东西可以加快恢复呢？有经验者快介绍。奉劝大家，想死也不要选择割腕，死不去太难看了。但最好也别想死，怪吓人的。 01/06/2009 儿童节快乐~只手终于正常翻啦！放假前去咗拓展，玩啲游戏唔只考验团队精神，仲好考验力量同身材，我哋team果个肥仔...唉，逼死街坊啦！不过呢啲都係碎料，果个罪恶嘅“人猿泰山”游戏，简直要了我命，搞到我从颈到手都好有拉伤嘅感觉，前几日手都无法伸直，係今日先可以自如咁伸展下，有兴致敲下键盘。手腕又擦伤咗，好有型咁贴咗块胶布，大家都会问“你的手怎么了？”我说“割腕！”下一句就是“怎么还没死？！”...好吧，我保证，下次割得狠一点，哈哈！还好啦，我最恐惧嘅高空项目无出现，已经还得神落啦。
今日係六一哦！去年今日，喺北京，有小钰、井水、东、chell、影...好挂住佢哋哦！果日几happy啊！
呢排有啲伤心，因为财政有危机...表表~包包~衫衫~等我啊，迟啲先将你哋接翻屋企！ 24/05/2009 别想太多刷牙，应该係一个人起床后最早嘅活动啦，慢慢的，人开始清醒。有阵时，会觉得好烦，日复一日重复同样嘅事情，人生毫无意义；有阵时，觉得心情唔错，好期待新嘅一日。通常两种情况会交替出现，我想，直到某一日，当前者多于甚至远远多于后者时，果个人就差唔多啦。
前两日俾人洗脑，关键在于佢讲得真係几有道理，一个咁固执嘅人都开始怀疑自己啦，究竟应该点办好呢？
龙舟水，日日落雨，真係好心烦。 17/05/2009 好鬼痛~~H1N1流感好似好严重咁啵，唔知外面嘅情况点呢？国外嘅朋友都好吧？近排好似无乜动静，难道都被隔离了？GOD BLESS~
琴日去咗打网球，好耐未运动过，连续拍咗两个钟，跑咗两个钟，乳酸大量积聚...琴晚训训下，一个翻身，哎哟！马上惊醒：咁痛嘅？手，腰，pp，大比...每次翻身都甚艰难啊。早上起身，腰酸背痛，行路好似机器人咁。呢个故事教训大家，平日无事要多啲运动锻炼，唔好以为经常负重竞走（逛街）一日就当运动啦！ 05/04/2009 ANNOUNCE好多人话睇唔明，但我好似有啲明，甚至乎，我觉得自己就係果个欧阳锋...
思前想后，都係觉得再轻轻声明下好啲。好，翻到上一篇最后一句，呢个纯粹係为咗引入新人物，绝无任何非份之想，大家唔好误会哈...今年愚人节真够SURPRISE! 31/03/2009 想想坏事，也想想好事昨天又干了件坏事，其实好事坏事，就在于你从什么角度去看，没有绝对的好事，也没有绝对的坏事吧。
人生就像个舞台，每日每夜每时每刻都演绎着不同的角色，似乎没有人知道你心里在想什么，有时候甚至连自己都开始迷失。演技太好，内控力太强，把自己藏得太深，心也迷路了。什么是真，什么是假，分不清，有些话逼真的把自己也骗了。就这样，骗骗别人，也骗骗自己，一辈子就过去了，不过可惜的是，到头来还是没有人会知道你真正的想法，把话烂在肚子里吧。
现在买楼和结婚似乎都是热门话题，有人买楼不结婚，有人结婚不买楼，有人又买楼又结婚，当然，更有人既不买楼也不结婚。看了几个朋友的房子，有魄力有财力去买已经不错了，而且眼光也很好，只可惜，没有我发挥家居布置才能的余地啊。至于结婚的朋友，都有点玄，可能现在流行低调吧，不知怎的就说结了，好吧，只有祝福了。第四种人就不需要讨论了，这类人最多，可能物以类聚吧，那就耗着呗。
有留意春游照片么？有发现多了个美女么？漂亮吧！哈哈。 10/03/2009 信前文再续，书接上一回。话说一个月前喺一个偶然嘅机会，我揾到两页陈年信件，睇过之后大有感悟，于是决定要写5封信，写俾我亲爱嘅朋友们。写好咗第一封，其实早就应该写，只係内容已经唔同咗，发咗出去啦。准备写第二封，但一个月后仲未动手，因为越嚟越怀疑写呢几封信嘅意义，在对方睇嚟，可能真係几无聊，我思考咗好耐措辞，但总感觉讲完一大餐就无一个结果，挑起咗一件事，又想叫人当无听过...在我自己睇嚟，似乎就係不吐不快，想同大家打开天窗说亮话，将自己屋企嘅垃圾扫到人哋屋企门口，然后静静鸡走人...思考至今，我仲未决定要唔要写落去。其实都过咗去啦，有无必要再挖翻出嚟解剖呢？
执屋总会揾到好多旧嘢，原来我以前都几中意写信喔，一盒又一盒嘅信，拆开嚟睇，就好似拆开一个又一个小宝藏，里面藏着回忆，每一个文字都跃然纸上，为我演绎一个又一个生动而有趣嘅故事。现代人都习惯发email，方便快捷，但就缺少咗一啲人情味。本来，上述5封信我都想用纸笔写，但发觉好几个都无联系地址...唉，而家嘅邮递员主要就係派咩水费电费单、电话费单、信用卡单...一纸家书嘅年代已经远去咯~好耐未听过笔友呢个词啦，而家就只有Q友、博友...突然好怀念拆开信嘅感觉！
我终于比较完整咁听完某人嘅恋爱经历，哇噻，简直就係电视剧桥段！完全超出我嘅想象范围！如果唔係咁熟，了解佢为人，真係以为佢编故事！所以话，平时唔洗睇咁多电视剧，同唔同嘅人倾下计，你就会发觉生活比电视更精彩！所以近排中意睇历史剧、革命片、战争片，呢啲现实中无。 31/12/2008 辞八迎九~已经是最后一天，明天就是2009年了，真是弹指一挥间。到处都在回顾2008年，中国乃至世界都经历了太多，令人又喜又悲的一年！
这两个星期以来，每天都像打仗一样，每个人头顶都在冒烟，很多天没回家吃饭了。我做什么？呵呵，做了一件小坏事，忽悠了一群人，但绝对不是请吃鱿鱼，放心。前天，面对着几十位民工一般的工友，开始真有点胆怯...不过GY顶得住，我也不怕了。真是什么人都有，算是长见识了。保护弱势群体，说着容易做着难，弱势群体为企业创造的价值毕竟有限，企业也只能尽力而为。好久没上MSN，没开邮箱了，一堆垃圾，没什么有意义的，正常，平时我都不找别人的，别人当然很少会找我。
我一直盯着今天，因为今天是今年的最后一天，也是我的deadline，所有事情都要想清楚做仔细，赶在今天下班之前完成，时间很重要，错过了就会后患无穷。直到和D通完电话，我知道这件事算是做成了，终于松一口气，静下来想想，恍然大悟：明天就是新年了！好了，终于可以离开战场，暴睡三天了~新年快乐~ 17/12/2008 逃过一劫唔知大家有无留意香港新闻：旺角闹市空拋腐蝕液體 灼傷46人。果日5点几，我同SN从百老汇出嚟，行咗无几步就遇到警察封路，警车消防车救护车到齐，好多人围观，有人话跳楼，有人话淋镪水...当时不以为意，入SaSa逛咗一阵，仲未解封，就兜路走咗。第二日份份报纸都头条，鸡乸咁大只字，哇塞，咁大锅啊！如果唔係百老汇有promote玩多咗阵，睇怕我哋两个都要参观下香港嘅医院啦...总算逃过一劫...唉，呢排经济唔好，好多人都好容易睇唔开，但都唔好做啲伤害自己伤害人哋嘅事情啊嘛。我对自己今次嘅表现都几满意，可以根据地图揾到目标建筑，喺一间陌生嘅屋里面，可以揾得到电总掣，煤气总掣，舞得掂果个热水器同洗衣机，可以将石头咁重嘅箱包搬翻嚟而不至被压死...
为咗狗呢个问题，我已经同佢哋拗过无数次啦，次次都打横嚟讲嘅，将谬论当真理咁嚟讲。都唔知係性格问题定年龄问题，变得越嚟越奇怪，莫名其妙，动不动就发脾气。我以后决定唔可以做咁嘅事情，绝对唔会荼毒其他人。 01/12/2008 又一个星期连续第三个星期提及out呢个话题，前两日Judd似乎仲有啲愤愤不平，我就已经睇开咗啦，家阵流行低调啊嘛。想深一层，人地又的确无义务乜嘢事都开新闻发布会嚟通告天下嘅，一传十，十传百，知道咪算数咯，无谓责怪当事人唔够朋友啦。所以各位，查实我知道嘅嘢真係好少，有乜问题应该去咨询果啲消息灵通嘅人，问我盏令我更迷茫，不过，如果有乜新消息亦不妨顺便话声我知，帮我update一下~
今日去逛IKEA，又萌发出好多新嘅idea，好有揾间屋嚟摆弄一番嘅冲动，唔知几时可以真係买间屋嚟玩玩！
我终于又同亲爱嘅小钰见面啦！仲係咁charming！成日京广两地走，真係难为佢啦。佢滔滔不绝咁同我分享揾工嘅点滴，哇噻，真係隔行如隔山啊...对于佢地呢啲读理工科嘅人，我係越嚟越顶礼膜拜，只有抬头仰望嘅份啦！乜嘢编程、射频、单片机...我听到晕下晕下咁...回想起高中，大家都係同一个班学同一样嘅嘢姐，短短六七年时间，大家嘅知识结构竟然可以咁差天共地嘅！不过想翻转头，中学果阵识嘅嘢似乎仲多过而家，古今中外，上至天文下至地理，乜嘢都知啲，假如以前学过嘅嘢而家仲通通记得，言谈之间肯定会被唔少人轻轻咁崇拜一下。难道而家真係大不如前？以前果啲或者可以叫做博学，而家嘅话应该叫做博识，择其优而记之，将书本嘅知识转化为自己嘅学识，不单知其然，还知其所以然，成个人嘅思维方式已经唔一样啦，呢个应该係更高嘅境界。似乎扯太远啦...应该训啦... 17/11/2008 认真outout啦，out啦，out啦，实在太out啦！都唔係第一次嘎啦，本应该习惯。可能我太孤僻啦，所以往往唔係最后都係倒数嘎啦，有啲係好正常，有啲就好无奈。知道又好，唔知道又好，反正都无我咩事，take it easy啦。
金融海啸真係一浪接一浪，小胡同小温忙出忙入，又十大又七大措施咁话要拉动内需，又马不停蹄咁去参加咩20国峰会；新闻里面又破产，又裁员咁，睇嚟又係一个冰河时期啦。又到一年毕业时，又到一年揾工时。记得毕业嘅时候好流行一句自嘲嘅说话：毕业即係失业！睇怕今年嘅毕业生对呢句说话嘅体会係最深嘎啦。关心过几位揾工嘅朋友，佢地都感叹今年经济唔好，揾工艰难，尤其係外企，即使缺人总部都唔会轻易批招人。惟有叹句：生不逢时啊！好似我地呢啲读两年嘅，轻轻窃喜一下自己行咗个狗屎运，但都担心裁员下一个会唔会裁到自己。而做生意嘅朋友亦都痛苦到嗷嗷声，经济低迷，人都低迷唔少。同步过冬～好才华不如好心态，严冬会过去嘅～互励互勉啦～
越嚟越发觉自己好无用，好怀疑以后可唔可以生存落去。我讲嘅唔係工作，唔係钱，只要经济好，大家都好，我讲嘅係生存能力。煮饭煲汤一窍不通，水喉家电更係无能为力，连批个苹果都皱晒眉头，打火机亦唔晓用...Oh, my god! 睇嚟我呢廿几年真係白过啦！唔晓唔紧要，问题嘅关键在于连学都唔想学。我想好嘎啦，以后要么揾多啲钱请个工人，钟点工都得嘎啦，要么就适时咁死去，无所谓生存就无所谓生存能力啦。 20/10/2008 惊...吓...上星期前半段好忙，一日都未停过，主要係因为事情都凑到一齐，但做嘢嘅人少。GY食乜呕乜，要去医院吊营养液，翻咗屋企休养啦。后半段就清闲番啲，仲被调派去做运动会兵乓球裁判。哈哈，查实我好鬼惊，因为我之前根本唔识规则，只係上星期突击培训咗一两个钟。果然，上场就俾子公司啲大叔质疑“靓妹，究竟你识唔识噶”！唔识都要扮识！判咗几盘之后，开始有啲感觉啦，唉，下星期继续出丑。
其中一件忙嘅事情就係组织啲中高层出去培训，人手唔够，MM姐都一齐去帮手。果个老师讲得唔错，我都趁机听埋一份。坐在隔离嘅MM姐突然拿出一本书，“老师讲课我就不听了，我自己学习”。我睇睇果本书，愣了一下：全国计算机考试一级MS Office。我问佢係咪打算考试，佢反问我：可以考试的么？原来佢本来只打算自学一下，听到我话可以考试就雄心勃勃咁话考虑去试下，佢仲话要先睇一遍，然后再将练习题全部抄落嚟做一次...一位仲有几年就退休嘅老干科长，竟然如此好学不倦，钦佩！今日下午去探嫲嫲，原本只係闲话家常，但突然佢问我：今年广交会係咪少咗好多外国佬嚟买我地嘅嘢啊？我坐地铁去公园（越秀公园）果阵见到少咗好多外国佬，4月果时都仲好多嘎嘛，係咪果个咩金融危机搞到啲外国佬唔嚟同我地做生意啦？...我好震惊，我完全唔敢相信呢番话会从眼前呢位年过七旬且根本无读过书嘅老人家口里面讲出嚟。原来佢係从公园倾计嘅果班老公公老婆婆度听翻嚟嘅，然后就担心啲后生会揾食艰难，问我堂细佬又十问九唔知，所以就抓紧机会问我啦。我同佢解释咗一番，佢先略略安心。家阵真係唔可以睇小啲老人家啊，国事家事天下事，事事关心啊！不过遗憾嘅係，而家啲后生仔就净係识打机，外面发生乜事都唔知，都读高中嘎啦，但连回答一个老人家问题嘅能力都无，唉。我地年轻人真係要加油啊，唔係连老人家都赶上我地嘎啦！
啱啱，一位销声匿迹好耐嘅大学同学将一个七个月大BB女嘅艺术相贴咗上群，原本以为係某些qq表情，后来发觉係佢个女...天啊，又吓我一跳，进程也太快了吧...睇嚟以后惊吓嘅事情将会陆续上演... 03/10/2008 59周年庆59年啦，唔知我可唔可以活到59岁呢？到果阵又会係点呢？HaPpY bIrThDaY~
放假七日，就病咗三日半。本来都无安排乜嘢节目嘅，在屋企训下都好啦。
近排都无乜特别嘢发生，好开心咁返工，又好开心咁放工。每日想好多，做好少。
有一晚，同同事以及佢嘅一班friend唱k宵夜到三点几。感觉呢种烟雾弥漫纸醉金迷嘅生活似乎唔太适合我，偶尔玩玩就几过瘾。 17/09/2008 一日之始接近天光嘅时候，梦到外星人毁灭地球，无惊心动魄嘅攻防战，亦无触目惊心嘅血腥场面，只有灾难面前嘅心灵恐惧...
一大早坐上车，收音机里充斥住灾难...三鹿奶粉事件，再查出22家问题奶粉，山西溃坝事故，全球股市大跌，美国金融危机...
一日之计在于晨，试问边个会有好心情？边个会对呢个世界有信心？ 01/09/2008 Up两句琴日收到爸爸送嘅毕业礼物，或者係工作礼物吧，好意外，从来无想过会係呢样嘢，怪唔得前几日猛问我中意边只。虽然仲未见到实物，而且对于我嚟讲暂时实用性唔大，但真係好开心。Thank you, Dad~
Peter仔病了，入咗厂。小小年纪就要承受咁嘅痛苦，真可怜。你要加油，快啲好翻，最多你翻嚟之后我唔再虾你咯~ 22/08/2008 遭遇炸弹惊魂...近排心情一般，有啲事唔係几想得通，不过呢个同炸弹无关，呵呵。
讲翻炸弹先。今日唔使翻工去上培训课，4点几就落课，好开心可以坐上一部好空嘅高峰快线。途中有啲塞，又上咗一日课，有啲无聊有啲眼训，慢慢的处于半睡半醒状态。突然，停车了，到站啦？睁开眼，洛溪桥脚姐，为何停车？几个特警冲上车，荷枪实弹，好警惕咁右手按住枪套里嘅枪，准备随时拔枪咁嘅款。发梦？拍戏？醒一醒神，都唔係，係真实噶！咁大阵仗，发生咗乜事？阿sir无讲乜，只係话例行检查，叫我地配合一下。佢地好认真咁排查车上每个角落，仲要求我地打开大包细包俾佢检查。搞咗好耐，始终唔知发生乜事，大家都有啲唔耐烦啦，我隔离嘅大婶抱怨道“呢部车头先咪检查过咯，又检查，有乜问题啊？”前面果位姐姐仔开始打电话，据说打给做公安嘅哥哥，哥哥话特警一般唔会查公交车，车上可能有炸弹，叫佢尽快落车...唔係吧，炸弹，讲笑吧...呢个时候，后面响起好奇怪的报警声，某大叔嘅包包好似有啲状况，大叔坚称里面就係一啲好正常嘅银包锁匙。一位特警冲上车头，语出惊人：我地接到线报，125路公交车上面被放置咗炸弹，唔係讲笑，在另一个检查点已经查到怀疑爆炸品，所以麻烦大家尽快离开呢辆车...落车之后，阿sir就在路上拦咗几部公车安排我地上去，上车之后，见到果个大叔俾阿sir留低咗，佢个黑色包被放在地上，大家都离开去一米多，真係好有爆炸品feel！大叔企系一边，笑得好无奈。过桥之后，在另一边桥脚，见到有另一辆125路车停在路边，睇嚟又係一辆疑有爆炸品嘅车。当时唔知惊，净係觉得好刺激，都未见过咁多警察咁多枪，后来想翻就真係有啲恐怖，如果当时真係“嘭”一声，肯定上头条啦，但一定死得好难睇，咿呀~惊惊~
有人会话都怪奥运，搞到咁多事。但恐怖袭击呢家嘢，都唔係话只针对奥运噶，原因好多。我反而觉得，警方嘅反恐能力同民众嘅反恐意识都係需要锻炼嘅，呢个都算係个好契机嘅。死啦，每日放工都要坐呢路车，点算呢？无计啦，希望唔係真係有炸弹啦！
PS.原来真係有部车爆了，新闻都有讲...怕怕 20/12/2007 剪草好耐无上过嚟咯，呢度都生草啦，等我嚟修剪下啦。呢排唔係话无事发生，无嘢讲，恰恰相反，係发生太多事，太多嘢想讲啦，但总有种一言难尽嘅感觉，所以往往欲言又止。
呢个月以嚟，主题都係揾工。有一个星期，非常安静，所有简历都石沉大海，清闲得每日喺宿舍无所事事；后一个星期，突如其来好多笔试，简直係智力体力大考验，但笔试后又寂静无声啦；再一个星期，笔试面试穿插住咁嚟，每日都忙忙碌碌咁，但接住又无二面嘅消息啦...咁样落去，我要几多个星期先挨到有final？有offer啊？老天真会同我开玩笑。原来揾工真係几累下，每间公司都要笔试，多数係行政能力测试，有啲仲要考专业知识，有啲更累人嘅仲要简答或者写作。有间国企，通知去到棠东声称面试，我晨早6点闹钟响天仲未光，7点出门天开始光，8点半赶到目的地，竟然话我知要先笔试...行测加性格测试，然后再做专业题，考咗一个上午，脑细胞死无数啊；但係仲未走得，请我哋食个中午饭，下午继续面试...等咗好几个钟，终于到我啦，面咗20分钟，都问专业问题，识答就吹，唔识答就更加要吹，下午5点，终于可以离开啦，翻到学校天都黑晒啦。最讨厌就係面外企，劈头就係英文，开始果阵仲知道自己讲乜，但係hr总会穷追不舍，佢一问detail我就投降啦，简直就係语无伦次，感觉我同hr两个都喺度死撑住，睇下边个先顶唔顺提出要转翻中文...算啦，一切都似乎唔关我事啦，我又进入安静期啦。
大四嘅时候，总劝诫揾工嘅同学仔唔好咁易灰心，要有耐心同毅力。而家发觉，原来真係好难嘎，比我当初想象难多啦。最惨係我呢种忙忙碌碌但又颗粒无收嘅，最羡慕果种适当忙碌一下就有一个唔错嘅offer飘过...有时候唔係身体累，係心累，打算有个offer就签啦，唔揾啦。其实我又唔係好急嘅，点讲都係不愁吃喝，仲有一个学期时间嘛，但係见到咁多同学仔都起码有个offer垫下底啦，又有啲唔甘心。毕竟，咁多年嚟，顺利惯咗，一切都好似理所当然地顺当；可能而家考验我嘅时候到啦，要我经历一下挫败，咁都未尝唔係一件好事啊。我嘅第一轮揾工似乎要完啦，喺时候要搞搞论文先，然后明年再战，等我揾到工请食饭嘅朋友仔，俾啲耐性再等等啦。
喺度，我要严正澄清一下：中大管院或者企管就业很好，不愁找工作，很多公司争着请等等，纯粹是江湖谣传！各位小朋友不要相信！我这个保的都后悔了，那些打算考的，尤其是本来学校不错可以原校保的朋友们，要三思了...自己好好衡量一下，不要抱有太多幻想！
曹回家了，fh亦翻去休养生息啦，我呢几日过着独居生活，又真係会有啲无聊。今日完整咁睇过色戒，真可谓劲～唔知係床戏，杀人都好残忍，不过剧情好理解咗好多，唔错；又开始无所事事，于是大搞卫生当运动，有益身心；之后望住啲文献唔想睇，心想，都係留翻听日啦。jf告诫我，独居生活容易丧失语言功能...哈哈，咁大家得闲可以打个电话嚟同我倾下计啊。不过我觉得，独居最弊嘅係唔记得带锁匙，切忌出门太匆忙。好啦，剪草完毕，独居老人要训觉啦... |
|
|
