| Jersy's profileJersy说...PhotosBlogLists |  Tools  Help |
|
|
8/30/2009 宽容点吧！一向以为自己很宽容，实则不然，客观来说是个蛮苛刻的人。
就一个实习生嘛，何必这么较真，她是傻了点，确实是该去读博的人。
几次三番，都察觉自己说话的语气变化，真的生气了...幸亏及时调整过来。
其实严厉点才对她有好处，让她直面惨淡的人生嘛，让她知道怎么在社会中做人。
但就那么一两个月，没有人愿意做这个丑人，大家都憋着，就当笑话几桩，娱乐大众。
依从个人看法，哀其不幸，怒其不争；明明脑袋挺好使，却经常少根筋，说话做事不过脑子...
知道自己为什么朋友少了，
压根就不会跟不喜欢的人来往，
话不投机半句多...
算了，反正也不在乎。
下半年将会比较忙，瞎忙一通。
有时会想这辈子是为了什么，没想通... 7/4/2009 一巴煎过去...最讨厌啲人成日斤斤计较，心里面只会想住钱同个人利益，特别係男人！你话，一个大男人，三句唔埋两句就係钱，成日缠住讲乜宿舍啊，食饭啊...烦都烦死啦！工作咗一年，见咗各式各样嘅人，有啲人係好可怜，但有啲人真係好可恨！不过情绪归情绪，工作归工作，无需激气，置之一笑吧！
今日又听到好消息！双胞胎哦，都係仔仔哦！从来就觉得佢係个有福之人，贤妻良母，相夫教子係佢与生俱来嘅气质！恭喜晒！ 11/8/2008 最近主要係工作事情仲係咁多，人仲係咁少，又撑咗两个星期。我感觉自己慢慢开始进入状态啦。
我会从公司嘅角度考虑问题，认为同果廿几个员工终止合同係合理嘅。发通知书当日心里面真係好唔好受，虽然唔係我嘅决策，但我就充当一个刽子手嘅角色，唉，咁嘅时世，真係难为佢地啦。
好多人成日埋怨学不能致用，我就啱啱相反，我觉得学嘅远远唔够我用。或者咁讲啦，现实嘅情况往往具体好多复杂好多，学校学到嘅係一种思维方式、一种处事态度，课本老师教嘅只係一个框架、一个思路，实际工作中思考嘅问题要全面得多。
以前以为上过几堂课就好了解劳动合同法，而家先知道自己如此可笑。里面每一句话用得好就係生机，用唔好就係陷阱，企业同劳动者就如博弈，以前企业係强势，但而家国家要保护劳动者，劳动者嘅维权意识亦越嚟越强，所以企业真係要步步为营，尤其係国企。我家阵都只係懂得啲皮毛，要好好研究啊。
经过四个月嘅锻炼同沉淀，尤其係近一个月嘅小鬼充龙王，我觉得自己对呢个职业开始有啲感觉啦，亦都越嚟越喜欢啦，我会坚持落去嘎！ 10/11/2008 生仔好恐怖国庆后返工，得知亲爱嘅GY真係有喜了；无过两日，亲爱嘅小林姐住咗入医院，第二朝就生咗啦。哇噻，前两日仲一齐开例会，睇住佢个肚篮球咁大，转眼就变成一个好cute嘅小baby，就水壶咁大，真神奇。办公室里面两位亲爱嘅同事，一个刚开始怀，一个刚生了，令我感觉生仔係一件异常恐怖嘅事情！先唔好讲怀住果阵有几攰几辛苦，就讲生果阵嘅痛法，我听到都狂冒冷汗啊。反观刚怀上嘅GY，食得多，呕得亦多，晚上又训唔到...苍天啊，上帝係咪同女人有仇，咁样嚟折磨佢地...疯了。
我而家一个人做两个人嘅嘢，而且有啲嘢仲唔係好熟好清楚，所以每日都好似打仗咁，忙到一头烟。有晚加班加到九点几，“劳模”DD死到坚持做完先食嘢，饿到我晕啊，以后都唔制啦，坚持先食再做！唉，希望快啲招果个人入嚟啦，多个人，就算唔係帮我做，都起码唔好再加嘢俾我做啦。 9/10/2008 送饼人继续神秘跟进一下琴日嘅事。原来当事人摆咗个大乌龙，原本认为嘅送饼人实质上并非真正嘅送饼人，亦即係话，至今都仲未知道果三盒月饼係边个送嘅...你话係咪搞笑啊，竟然有人匿名送月饼，都唔知係乜意思，又唔係乜浪漫嘅事，使唔使咁神秘啊，真係拗晒头啊！
提前讲声，中秋节快乐哈～饮啖茶  食个饼 啦～9/8/2008 神秘送饼人今日办公室发生咗一件既离奇，又搞笑嘅事情。
中午，食饱M姐包俾我地嘅饺子，几个人谈笑风生之际，一个EMS邮递员冲咗入嚟，俾咗一个大盒DD美女签收。哇噻，单上面竟然无寄件人个名，只有一个小灵通号码，搞到DD自己都一头雾水。拆开嚟睇下，哈哈哈哈哈，竟然係三盒月饼，仲要係在邮局订嘅果种月饼，笑死我地啦。打去单上果个电话一探究竟，点知总係占线，仲会飞去留言信箱，有蹊跷...狂估咗一个下午，好多奇怪嘅人都估埋，甚至怀疑係炸弹...终于，临落班前，GY帮DD证实咗，原来係一个倾慕者送嘅！唉，呢位仁兄亦未免太搞笑了吧！追女仔竟然送月饼？仲要送三盒咁多？贵得嚟但又无心思，送扎花都好过啦，200蚊可以买好大扎花啦。佢嘅古怪行径遭到我地全体人民嘅一致批评，一啲都唔懂得送礼物嘅技巧，就凭呢一点就可以fail啦。不过，佢都为我地增添咗唔少欢乐。都係GY总结得好：这是我们DD个人魅力的充分展现！ |
|
|
