| Jersy's profileJersy说...PhotosBlogLists |  Tools  Help |
|
|
10/5/2009 今年国庆对了，之前忘了说
10.1的国庆阅兵真的好帅哦！
如此完美，不知道是怎么做到的，但确实做到了
其实，我一直在想
真正令敌人恐惧的是那一车车的导弹，甚至核弹？
还是从军队到平民的那种众志成城，连死都不怕的狠劲？
广东的花车挺抢眼的，图案简单，一目了然
三龙争渡，寓意领潮争先~
国庆晚会也很是特别
所谓：独乐乐不如众乐乐
各方块在音乐声“指挥”下各自起舞
名副其实的联欢咯
张大导似乎真想把拼图画玩到极致了
国旗下的图画变幻真有赛过奥运开幕式的感觉
这种严谨，这种创意，堪称世界一流水平了
但可惜了，我们的产品往往只是三流的... 7/14/2009 颤抖接完电话，我手在抖，心也在抖...
他真的是这样吗？我不敢相信
在我心中，他憨厚、懂事、勤奋
虽然有点笨，但胜在老实
怎么今天就完全变样了？
是搞错了吧？但说得很真...
表弟经常说我冷漠
对的，我不善于关心他们
我也不喜欢问，我比较喜欢听
恰巧，他不是一个能说爱说的人
而且，从父母开始就有隔阂
所以从小我就不了解他
最近一次碰面我就感觉不对劲
果然，还是栽在钱这个问题上
从小家里并不富裕
我知道，他自卑...他们全家都有点
现在才多大，以后怎么办？
幸亏长辈没交给我处理
否则我不知该如何处理
从来没有这么无助过...
可能之前大家瞒了我不少
有点接受不了... 5/5/2009 五一无去巴厘岛从前，我总係听别人讲嘢，好少有插嘴嘅余地；如今，我经常都要讲好多嘢，有理无理都要讲一餐。但其实本质係一样嘅，想讲嘅都係无讲，讲嘅都唔係自己想讲嘅。可能呢啲就係命啦。人嘅性格係环境塑造嘅，包括家庭、朋友、工作...世上最怕嘅就係习惯，习惯咗就无动力去改变，一世都係咁嘎啦。
翻一翻日历，五月好多人生日喔！送乜礼物好呢？有时都好懒得送，但呢几个都唔係一般嘅朋友喔...人就係咁鬼衰嘎啦，自己生日果阵虽然嘴上话无所谓，但心里面总想多啲人送礼物；轮到人哋生日啦，就懒得就懒。哈哈，咁嘅态度唔要得啊~等我好好想下。
五一本来只有三日假，后来又偷偷摸摸咁落通知，话要休埋年假。有五日假又点啊，临放假先通知，巴厘岛就去唔成啦，唯有到处打下游击啦。 12/7/2008 谈情说爱今天看了梅兰芳，不敢说好不好看，用戏中梅先生的话来说：今儿神不在家。一直投入不了剧情，理解不了此戏的精髓，可能是没睡醒的缘故吧。
那就不说电影了，换一个这里很少说的话题——感情，最近听多了。每天午饭后，我们都会有那么十几二十分钟时间谈天说地。不知从什么时候开始，我们的话题就离不开W的感情事。通常是我站着，W坐着，X早就躺下了，但仍谈论得热火朝天，X是过来人，我就是一个理性的分析者。作为唯一男性代表C，偶尔会一鸣惊人，但大多数时候都会把我们当透明，我们也会把他视作透明。数个月前，与前任分手不久的W嚷嚷着只想结婚不想拍拖了，要找个有房子的人结婚；数个月以来，出现了很多candidates，有一个人，并不是W心中的理想，但对她很好，于是她犹豫了，痛苦了；一个月前，她与他甜蜜地走到了一起，她整个人的状态都变了，连骂人似乎都是微笑着的；数天前，她开始烦了、腻了，开始向我们抱怨他很粘人，开始向往单身的生活...X一针见血：那是因为你不够爱他！都说人一生只会爱一个人，爱得轰轰烈烈、死去活来，错过了，就只是找个人凑合着过日子罢了。真的是这样吗？我看得出X最爱的人是谁，但绝对不是她现在那位；至于W，她曾经爱过某人，但心死了，现在似乎最爱她自己。世事就是这样：想要自由，就必须耐得住孤单寂寞；想有个伴，就必须忍受另一个人的牵绊，有舍才会有得。根据进化论的思想，人似乎就应该跟不爱的人在一起，这样人的心才不会跟着别人走，不会因为别人的喜怒哀乐而喜怒哀乐，这样人才会活得更长久。 11/9/2008 我眼中嘅人韦小宝要双儿帮佢将讲过嘅大话写出嚟，因为佢都怕自己会一时搞错。我就无佢咁劲，但好多时都要花时间整理一下，乜嘢该讲，乜嘢唔该讲。好多人都觉得我好多嘢讲，其实错觉嚟嘎，我係一个好懒得讲嘢嘅人，好多该讲嘅说话我都会吐在肚里面，懒得讲出嚟，因为我怕没完没了讲个不停，又或者我认为唔应该由我提起。但係唔讲并唔代表我唔知。
人真係好得意，有人喜欢对人指手画脚，指责人地点唔啱点唔着，教训人地应该咁做咁做；有啲人係好少干涉其他人嘅想法同做法，在原则范围内对好多事情都欣然接受。前者固然係讨厌难缠，但后者你唔好就认为係好欺负。其实每个人心里面都有一把称，孰是孰非，孰好孰坏，一目了然，只係每把称嘅标准可能唔同。所以换个角度嚟讲，前者反而更容易了解，因为你好容易就知道佢中意点样，唔中意点样；对于后者，你一定要更加注意，仔细观察，摸清佢心中嘅标准，否则你做咗佢唔高兴嘅事情，即使佢係一个好人，唔讲唔闹更不至于怀恨在心，但心中嘅印象始终好难磨灭，长年累月以后多少会影响关系且难以弥补。
研究人有时真係好有趣，呢个亦都係我喜欢听唔喜欢讲嘅原因之一。 8/25/2008 BJ奥运 is over北京奥运“无与伦比”咁落下帷幕啦，疯狂咗十几日，突然变得好无聊，楼下卖电视嘅铺头已经将电视搬翻入店里面，落班之后我地亦都无动力一支箭咁飞翻屋企啦。有欢笑，也有泪水；有狂喜，也有悲凉。无四年前嘅挫败，就无今日体操、乒乓球、羽毛球、跳水...嘅辉煌。但为何，国人似乎尚未学会如何宽恕别人的失误，理解别人的困难。毫无根据咁质疑别人、嘲笑别人，你认为咁係标新立异嘅表现么？相反，我只觉得係哗众取宠。
有两件事一直未想得通，咁又係，呢两样本来就係一对矛盾体，点有可能解得通呢。所以，呢个问题唔係要靠想，係要靠悟，嗯嗯！感觉自己越嚟越可怜啦，好在有班好同事，否则可能会更加孤僻。有人觉得唔似？我都觉得唔似。也许，我地了解到嘅并非全部嘅我。性格使然，唔係话变就变。
屋企多咗一只喜乐蒂，起咗个名叫Peter仔。新嚟新猪肉，佢而家就集万千宠爱于一身。Dede变得好落寞，越嚟越cool，成日一只狗训系度，唔理人。我想我明白佢嘅感受，知道佢想紧乜。我喜欢佢，因为我觉得有时候佢好似我，嘿嘿。 5/31/2008 震撼这个编写的页面已经打开过无数遍了，通常旁边还会有一个电视窗口，播的是中央台，看着那些描述那些画面，心里有很多话想说，但又一个字都写不下来。回想起512那天，我在二楼新娘子宿舍与其讨论三天后那恐怖的答辩，想象我们可能会遇到哪位老师，被问到哪些变态的问题...突然，q某群上冒出一长串地震的信息，几乎全国都说有震感...真的吗？恶作剧吧？但不多久，各大网站都证实了这个消息，汶川7.8级(当时还没精确到8.0)，瞬间，全国乃至全世界都惊识了这个本来默默无闻的四川某地。十几天下来，地震成为了新闻的关键词，中央某几台还实行滚动直播，主席总理深入灾区，解放军空降、强行军，救援人员废寝忘食，运输生命线断了又通、通了又断，废墟下的生命奇迹一个接一个，感人故事一桩接一桩...那些母亲，那些老师，那些小孩，那些军人警察，那些干部，那些灾民...看着看着，听着听着，眼泪就不自觉的流下来了，哭死我算了。第一次有领导人以外的全国哀悼日，不知道应该做什么，就什么都不做，呆在宿舍看新闻好了。我想，这几天看中央台的时间，恐怕比我前二十年看的时间加起来还要多，我总算完整的看过新闻联播了。这次的赈灾，真是全国都动员起来了，大家的那种热情十分令人感动！我很想去献血，但又不幸感冒发烧了...想去当志愿者，又被性别歧视了...那好吧，我只有捐钱了，然后在心中默默的祝福，中国加油！四川加油！
有时我会想，如果我在废墟下，我能熬过那200多个小时吗？其实我属于那种及时行乐的人，似乎没什么遗骸，也没什么宏愿，所以我不会很执着于生与死；但是，活着的人可能会因为我的死而很伤心，所以，如果会为我悲痛欲绝的人仍存在于这个世上的话，我想我应该会尽量努力活下来的，嗯。
真的觉得自己很好彩，论文答辩完了，过程是痛苦的，但结果是令人愉快的，总算可以毕业了。而答辩后的第二天，回家的公车上，被两个小偷耍一招声东击西偷了我的手机，幸亏我反应得快，大喝一声把他们吓得扔下手机就夺路而逃，但过后想起来，吓死我了，真不知道当时自己为何如此之英勇。毕业旅行，本来计划是去云南，但地震的缘故，西部都不敢去而且不好意思去了，那就去北京找小钰玩吧，顺便去一趟哈尔滨，10天后回来～ 3/10/2008 mirror被上帝遗弃的小孩
没人要的孩子
站在路边上
眼巴巴的看着过往的行人
本来可以很幸福
但为了那美丽的诱惑
弄得焦头烂额
为了生存正努力垂死挣扎
好可怜哦...
简直闻者伤心，听者流泪 2/28/2008 Happy new year~无论新历旧历，而家都係新年啦，不过呢个新年未免太热闹啦...
年前春运，一场南方雪灾闹得全国都沸沸扬扬。南方各省频频告急，广州政府高度戒备，总理都光临几次啦。广州城内多咗几十万人一起过年，本地电视台都转做普通话节目。喺新闻镜头中，京珠北韶关段简直係一片白色嘅世界，远处嘅山、树，近处嘅路基、指示牌，全部都覆盖住一层厚厚嘅冰，冰下原貌已经模糊得无法辨别。睇到咁嘅场面，大家都想起一部电影The day after tomorrow，又据说南方雪灾同全球气候变暖有关，于是我决定揾翻呢部戏出嚟，要重温一下。不得不承认，咁逼真嘅特技，恐怕只有美国做得到，剧情虽然有啲夸张，但足够震撼。人类係时候要正视人同自然嘅关系啦。
有天灾，亦会有人祸。有单嘢每日都会见诸报章、新闻，就係所谓嘅“艳照门”事件。讲句老实话，虽然自拍係有啲奇怪，但年轻男女关埋房门，你情我愿，做乜嘢都唔关其他人事吧，更轮唔到其他人指指点点。迄今为止造成嘅社会影响，当事人要负一定责任，但我觉得盗取者及发布者嘅罪责更大，观看者自己亦都要负责任。其实都无人逼你睇，係你自己要睇嘅，最讨厌果啲人自己主动揾嚟睇，睇完之后又话核突又话恶心。讲白咗，就係大家嘅好奇心作祟，再讲白啲，就係有种偷窥欲。好多人都中意问：你觉得係边个嘅错啊？你觉唔觉得阿边个边个好贱啊？天啊...我只觉得问嘅果个人好可笑...呢个世界真係变得越嚟越奇怪，被非法泄漏嘅私隐，大家争先恐后咁去睇，越核突越想睇，睇完后又嗤之以鼻，甚至七嘴八舌越讲越兴奋。Anyway，呢件事俾咗当事人同埋所有年轻人一啲教训，做人唔可以太张狂，做事要顾后果。
到咗新年，当然係节目丰富，少不了周围拜年逗利是聚会，南海清远到处跑，仲跟埋阿爸去wet添，哈哈。果排成日就係食，习惯咗，至今都停唔到口，真係觉得自己坐低果阵多咗一圈肉。过年最开心嘅就係奉旨乜都唔使理，亦都唔会有人突然揾我做事，只顾吃喝玩乐就得啦。唔知点解好晚黑唔想训觉，中意深夜乃至凌晨睇电视，虽然剧情有啲无聊，但好喜欢里面嘅一句说话：只要笑一笑，没什么事情过不了~我觉得呢个人生态度唔错。
2月19号，本来係邓小平逝世11周年，今年又添一位逝者。我觉得肥姐真係一个好唔简单嘅女人，一个人将女儿养大，一个人撑出咁大一份家业，49年嚟兢兢业业，建立起喺演艺界乃至整个华人社区咁举足轻重嘅地位。睇过几个访谈节目，好佩服佢嘅乐观爽朗、专业敬业，以及极好嘅人缘，佢嘅离去係我哋嘅损失。我又唔明点解有啲人总係中意拿佢个囡嚟讲是讲非，何必对一个20岁嘅细路女咁刻薄呢？有人讲过：一个歌手点先叫成功？如果佢死后，电台停下所有节目，日日夜夜都播住佢嘅歌，咁就叫成功。一个艺人点叫成功？如果佢死后电台电视台日日夜夜做佢嘅悼念节目，重播佢嘅电视、电影，咁就係成功。同样地，一个人点算成功？如果佢死后，身边嘅朋友都会怀念佢，对佢生前嘅点点滴滴津津乐道，我想咁就係成功啦。唔知我死后，大家都会想起我啲乜呢？肥姐，入土为安吧，大家都会记得你嘅笑声~
4月係论文deadline啦，而家就只有个开头，3月应该係最忙嘅时候，所以要乖乖地收拾心情啦。有乜节目有乜玩，5月再揾我啦！闭关！ 1/28/2008 08春运刚睇完新闻，心揪得厉害。咁嘅场面，係我有记忆以嚟都未见过嘅。每年春节前，广州都要完成咁大规模嘅人口转移工作，今年显得格外艰巨，唔係人祸，而係天灾。铁路、公路、民航都出现唔同程度嘅滞留，唔少同学都无法返家，火车站去了又回，继续留守宿舍。
突然感觉生在广州真幸福。诚心祝福喺京广线上停留十几个钟嘅火车乘客、喺京珠北高速堵塞嘅数千台车嘅驾乘人员、喺火车站广场滞留嘅十多万返家人...当然，仲有奋战喺第一线嘅工作人员：部队官兵、警察、武警士兵、铁路人员、抢险人员、救助人员、巴士司机、义工...恶劣天气下，大家更加要坚强哦！
PS.今朝睇报纸，恶劣天气会持续，铁路公路交通暂难恢复正常运行，滞留人数将会继续增加。喺市政府嘅应急预案中，我嘅母校昌岗东路小学光荣咁成为地铁沿线嘅备用疏散安置地点之一！不过真希望用唔上啊！再次bless~老天爷要帮帮忙哦！ 1/18/2008 随心之作好凄凉，突然觉得自己好凄凉。虽然呢几日天寒地冻，宿舍却空荡荡，只剩低我一个；频频仆仆，早出晚归，亦只有我一个人面对，但我都唔觉得自己凄凉，因为我係快乐嘅。从来我都会更在乎其他人嘅感受，怕影响到其他人，当一切事情都只与我自己有关嘅时候，我就变得无所谓啦，点都得啦。所以，我似乎可以好快适应独居生活，咁样更简单、更随心。当然，有时未免会有啲寂寞。
但今晚，我觉得自己好凄凉。承受压力，却不被理解，真係会令人好伤心。受咗委屈，加上寒风中孤零零一个，不免更感凄凉，眼泪都止唔住啦。可能有人会觉得我无病呻吟，生在福中不知福。但我觉得，呢个世界上係无真真正正无忧无虑、时时刻刻都开心快乐嘅人嘎，每个人都会有自己不得不面对嘅烦恼。有啲事情，我唔中意讲，因为我觉得讲咗都无助事情嘅解决。特别係当一件事情涉及一个大多数人都陌生嘅第三者时，我更加唔想讲，因为我觉得一个人嘅形象唔应该係喺我口中塑造出嚟嘅，係要靠自己去感受嘅，所以我唔想去造成某种偏见，令到一位朋友对另一个素未谋面或者只有数面之缘嘅第三者形成某种好或者唔好嘅主观印象。其实，我无表面上咁开心；但係，我远比表面上要乐观。能够令我伤心嘅人，起码係我重视嘅人，甚至係我至亲至爱嘅人，对于咁重要嘅人，暗地里痛骂过之后，眼泪流过之后，仲有乜好计较，有乜好放唔开嘅呢？过了今天，就忘了昨天吧。
我想应该无人睇得明我讲紧咩吧...随心之作而已，事情已经唔重要啦，让佢过去吧。 1/3/2008 Goodbye 20072007年最后嘅几日真係过得疯狂啊。一切从24号开始，平安夜都要去面试，穿住高踭鞋喺广州大道狂奔；面完之后衫都唔换啦，马上join大家食韩国烧烤，圣诞大餐点少得啊。休息咗两日，出动去睇电影，投名状唔错，就係残忍咗啲；晚上约齐人去食重庆火锅，搞到一身火锅味，由头洗到落脚之后都仲係觉得自己成只大火锅咁。最疯狂嘅，当然要数29&30号啦，本科同研究生导师都好有默契咁分别两晚揾我食晚饭，推又唔好，搞到我两晚都要飞车，然后飞奔入体育场；最记得，第一晚揾好位坐定之后，学友已经开始唱“和好不再如初”...第三首歌啦...吸取经验，第二晚再提前半个钟走，同样都係飞奔，坐低嘅时候突然light off，学友开始卖广告，好彩赶得切...其实呢两晚都应该几冻下，但由于入场前嘅运动相当充分，期间又不免兴奋得手舞足蹈，纵使寒风阵阵，都完全唔觉冻。
讲翻演唱会，我当然话好正嘎啦！无华丽嘅舞台，无惊心嘅特技，无奢华嘅服饰，更无撩人嘅舞姿，亦都无表演嘉宾，有嘅只係熟悉而动听嘅歌声，无论快歌、摇滚、经典情歌、舞台剧，定係所谓嘅性感歌。3月份喺广州作为全国巡回嘅开幕，9个月之后，50场之后，一个round翻嚟，又喺广州闭幕，我哋真幸运。三场嘅结构基本一样，但曲目编排会有啲出入，encore时间一个比一个长，30号晚唱咗成个钟encore，超爽啊！encore开始係快歌，我哋草地几乎所有人都企晒起身又跳又唱，感觉地板都要塌啦，后来仲俾警察叔叔闹...对比之下，草地当然更近更清楚啦，视觉上佢就企喺你面前唱，你讲嘢大声啲佢都可能听到；听觉上n个大喇叭都对住你，四面八方，无论学友定观众嘅声音都向呢度集中，地势就如一个大盆地；触觉上就係成个地都喺度震，心脏亦喺度强烈地震。坐看台就开扬多啦，音量比较适中，但音色就无下面咁好，会嘈杂啲，搞到我总怀疑学友係咪喉咙痛...看台都有好处嘎，有梯级，高度差分明，轻轻松松就可以纵观成个舞台，唔使好似下面咁要拼命绕过前面众多人头咁辛苦；而且view唔错，可以睇到全场第四个最大嘅屏幕；又可以睇到全局，特别係放烟花果阵；仲有，发现咗最后载学友离去嘅车，佢动作好迅速哦，令我想起色戒里面嘅梁朝伟；大家仲可以玩人浪，不过就只能自娱自乐，因为我喺草地果阵都睇唔清上面嘅人浪，只听到好吵，何况学友。坐草地会有后遗症，就係结束后久久都不能平静，总觉得好high；搏命喺罅缝中观望，挥荧光棒，会搞到手手脚脚全身都好痛。而喺看台，离开嘅时候就冷静多啦，亦唔会成日有幻听。不过，有机会当然要去草地啦，要有啲追求嘛～
2007年咁就过去啦，但我想我都算捉住我想要嘎啦。有人话，难怪你07年揾唔到工，运气都去晒听演唱会啦。我想，咁都几好啊，工08年可以继续揾，但演唱会就唔知几时再有嘎啦。而且，07年我得到嘅，又何止演唱会，回看前面嘅日记都知道啦，做人唔可以太贪心。2008年係一个新开始，我要努力喺上帝面前多行几转，等佢留意到我，派份大大嘅礼物俾我！就咁话啦！ 12/29/2007 幸福原来好简单一直都认为，揾工就係等上帝派礼物，我能够做嘅，就係将自己晾喺太阳底下，唔好憋喺角落，可以话俾上帝知想要乜嘢，然后乖乖哋咁排队；积极啲嘅，可以喺上帝面前晃嚟晃去，表现突出啲，吸引上帝嘅注意；礼物係唔可以抢嘅，抢都抢唔嚟。我无信教，亦唔係悲观消极，只係讲出一个普遍道理：谋事在人，成事在天。揾工除咗自己嘅积极同努力外，好多时候都要讲下运气；尽了人事，运气未到嘅话，急都无用，耐心等下啦。
八班出嚟嘅人，多多少少都会信运气守恒。难怪上帝无派一份工作俾我，原来佢帮我准备咗另外一份礼物...首先，一个friend抽到两张29号晚我最爱嘅concert，无人同佢去，邀请我去；然后，琴晚，xb give me a big surprise!佢送咗两张30号晚嘅内场票俾我，靓仔真係好人，开心死我啦！呢个concert，原本我买咗29号嘅票，但为咗睇闭幕果场，抛弃咗教父，换咗去30号，但而家，我有机会睇29号，30号又可以由看台转移到内场，太幸福啦～早知就唔使自己买票啦...当然，我要补偿一下教父，纵使唔係最完美嘅，但我已经尽力啦...大家知道我中意，所以有票都会拿俾我，叫我去，真係好鬼感动！原来qq签名係咁有用嘎，以后有乜愿望都要写喺果度，哈哈。
Friends, thank you~ 11/13/2007 热烈庆祝六中70周年校庆！不知不觉，离开六中已经5年啦。11.11係六中嘅70周年校庆哦，我哋又点可以错过。
从来未见过六中里里外外聚集咗咁多叔叔伯伯姨姨婶婶，一下子过见到咁多校友，心情真係比较激动。顺住人流去到签到处，哇，40-50年代...好久远哦...好唔容易揾到属于我哋嘅01-07年代，见到好多熟悉嘅同学仔，仲有负责迎宾嘅唐唐。家阵嘅六中真係米，人手一本精美纪念册，图文并茂咁介绍学校嘅辉煌，但可惜基本上都係从03年开始嘅，不过有一页好盏鬼，专门整咗个自贴区，校史肯定有你一份哦！校园嘅变化认真大，连我都有啲惊讶，何况好耐无翻过去嘅同学，听讲掷咗一个亿...
一大班人一路咁扫荡落去，见到唔少n久无见过嘅老师，lulu姐、翁sir、老冯、BC曹、林伟雄、罗校、泽宇、叶sir等等等等。当听到lulu姐、翁sir同泽宇一口就叫出我个名嘅时候，心里面嘅感动唔係三言两语可以形容。特别係翁sir，几乎记得每个人嘅名...讲真啊，我都未必记得每个老师姓乜名乜啊，但佢竟然可以将10年前嘅学生嘅样同名对上号，然后叫得咁冲口而出，真係服得五体投地。lulu姐无乜大变化，肥咗啲，扎住条辫仔，只係行路无以前矫健啦，可能腰伤嘅缘故吧。佢好多嘢讲，特别向我哋汇报佢仔仔而家喺日本读书有几咁生性，我哋都好替佢开心；手里面拿住一堆卡片，真係桃李满天下；仲叫lt组织聚会，去佢屋企玩...佢仲係咁，自信、非常自信、超级自信！佢仲指住我，略带点责备嘅语气提起当年嘅事...我唔知点解要对住我讲，唔关我事嘎...我好恐惧...不过我明白，呢件事对佢嘅伤害确实好大，可能佢会认为呢个係佢教学生涯嘅一个污点，足以令佢记一辈子...佢想要用咁多年嚟嘅经历向我哋力证佢当年係正确嘅，我哋如今好应该感到后悔...事到如今，我哋就乖乖咁俾佢责备咯，最紧要佢开心！但心里面，我至今都无认为我哋做错咗，喺当时果个环境，对于一班初中生嚟讲，我认为我哋都算处理得ok嘎啦，只有一个人令我一直觉得有啲愧疚...哎哟，咸丰年嘅事，都係唔好再提啦。可能人太多，有好多老师都无遇到，开始果时仲为咗寻找lulu姐而错过咗冬霞姐，唉...
六中嘅原有建筑可能就只保留咗敬师斋，所以觉得倍感亲切。我哋仲喺“Bobo落水处”缅怀咗一番，还记得姚饼干当年对我哋嘅训示：未见到啲咁嘅保送生嘎！真係好像走到姚sir面前，隆重自我介绍一下，我哋就係当年佢话未见过嘅果班保送生啦，哈哈。可惜，佢忙于应酬其他学生，我哋只能喺佢办公室门口默默咁飘过。
大家都係大忙人，有人拿住行李嚟，有人仲要赶赴商务约会，有人要赶翻去上课...我哋中午就係六中饭堂解决，虽然无大家怀念嘅番茄牛肉同鸡比，但依然食得好开心。一路行到下午，校园内人少咗好多，无早上咁熙熙攘攘，大部队都换咗好几趟人，最后坚持落嚟赖死唔走嘅就得翻我哋几个闲人啦...其实我都想忙啲...
想睇更多校庆相？可以click入以下相册
密码：本人姓名之拼音首字母 10/26/2007 代发英雄帖今年11.11係六中嘅70大寿
听讲将会有大型庆祝活动
活动schedule:
8:00-9:00签到
9:30-10:30庆典大会
10:30-17:00参观校园,观看文艺表演,分届活动
各位关心母校发展嘅校友们
得闲就回去看看吧
有兴趣与我同游嘅朋友们
提前联系我吧
大家也可以聚聚  9/24/2007 花好月缺想下想下，我好似真係未试过自己一个人喺宿舍独守空房喔...呵呵，今晚可以试下啦。如果话一啲都唔惊就假嘅，特别係头先过去派月饼果阵俾丽丽讲到有啲...但又唔会好惊嘅，应该无事挂。只不过平时热闹惯，家阵有啲冷清同无聊姐。大家都问我点解唔翻屋企。唉，weekend都会翻去，weekdays就想留喺宿舍做下正经嘢嘛，翻到屋企又做大食懒嘎啦，成日係咁唔得嘎嘛。
大家都走晒，因为快到中秋啦嘛。今晚迎月夜，月光光都仲係缺咗少少，不过就睇得几清楚。道听途说今年十七月亮会最圆，有人话係因为十七大...有无科学根据嘎？过节嘛，又趁人少少，我就大搞咗一下卫生，虽然好攰但好满意。花好月缺，无乜搞，就发下up风啦。
睇到有人话，变幻原是永恒。啱，世界上永远不变的就是变。但同果位仁兄嘅角度有啲唔同，我最近有感而发嘅係personanlity&attitude.喺身边嘅芸芸众生中，我发现咗有一啲咁嘅人：以前係好好嘅聆听者，而家变得prefer诉说多啲；以前比较谦虚踏实，而家就似乎有啲自我膨胀；以前更注重内涵，而家就好似更多咁提及外表。我认为啊，一个人，越强调某样嘢，就证明佢自觉越缺乏果样嘢兼且好想得到。打个比方，如果某人最近不断强调自己要宽容或者力证自己已经几咁几咁宽容嘅话，好可能佢实际上表现得比较心胸狭窄，而佢自己亦都察觉到呢个设想同现实嘅差异啦。两种可能：1/佢本质小气，但社会喜好social desirability话佢知要宽容先会得人中意，所以佢格硬要求自己要宽容；2/佢本来係一个宽容嘅人，但某些经历之后不经意间慢慢变得小气了，佢好唔中意自己嘅呢个变化，所以打算用呢种自欺欺人嘅方式嚟努力令自己变翻原来咁，而呢种行为与价值观相悖会好痛苦。其实，你係一个点样嘅人，depend on your actions but not words.讲得越多，只会令人觉得越奇怪。想解决问题就先要知道问题喺边，从根本处着手，而唔係做表面功夫。
你身边有无呢种人呢？觉得我讲得有无道理呢？嘻嘻
有时觉得自己当初应该去修心理学，哇哈哈哈...好啦，要做正经嘢啦，唔玩啦。
大家中秋快乐啊！  + =moon cake...+ =月饼...7/10/2007 做人难啊人生啊～想做嘅就几乎一件都做唔到，唔想做嘅就一件接一件，呢啲就係人生啦～
最近成日有人问我一个问题：打算揾一份点样嘅工？而我成日问自己係另一个问题：究竟想做一个点样嘅人？唔好误会，呢两个问题暂时係无关系嘅，只不过最近有太多质问后者嘅机会啦，而且呢个更加本质，所以都无暇顾及前者啦，更何况前者係一个好抽象、好讲机遇嘅东东。好啦，讲翻正题。有时觉得自己太无所谓啦，乜都可以迁就人，总係认为自己点对人，人哋就自然会点样对翻你，起码唔会差太远吧。而事实上，我太天真啦，有人讲过：唔可以以自己嘅标准要求人哋。我明白嘅，真係明白嘎喔。但明白归明白，当事情发生嘅时候总係会唔开心。虽然都唔係啲乜嘢大事，但日积月累，就开始怀疑自己嘅价值观啦。係咪应该更有个性一啲呢？起码咁样实无折抵嘎。人係会有学习功能嘅，当自己嘅行为得唔到积极强化嘅时候，就会开始偏向消极。每当面临决策嘅时候，我就好似人生交叉点咁，究竟我係用自己嘅价值标准呢？定係用人哋果啲所谓“有个性”嘅标准呢？我係咪需要以其人之道还治其人之身一下呢？我开始出现紊乱啦。刹那嘅犹豫之后，都係唔够狠心：算啦，我唔係咁嘅人，做唔出。除咗容忍同接受，我仲可以做乜？
发觉最近懒咗好多，期末考试都唔认真复习，老板任务又无好好完成，可能真的累了。回想过去一年，似乎做咗唔少错事，而且影响都几深远，又无法挽回啦。点算？无计嘎，硬住头皮，将错就错咯，唔係可以点喔。
突然感觉明年压力好大，又毕业论文，又揾工，每样都好难，每样都毫无头绪哦。又可以点算呢？go ahead~
上周六果个严重摧毁自信心嘅英文考试标志住我本学期嘅考试彻底结束，但我仲未有假放，亦唔知有无假放，唉...可能过去20年我已经将上辈子储嘅运气用晒啦，所以而家要受下折磨，继续储下运气咯。运气守恒永远都係我绝望中嘅希望，千祈唔好令我失望啊！ 4/19/2007 人与天气呢排广东嘅天气真係变化无偿。你睇，前晚仲係盛夏，热得我好似训喺蒸炉上面咁，忍唔住扯咗张席上嚟；而琴晚，突然风云变幻，刹那间就转入深秋，棉胎又重新出动啦；今晚，仿佛又回到春天啦...果两张相就係两季交替时嘅“壮丽”景观啦。
天气情绪化，人都变得有啲唔妥。感觉有人在冷战哦...希望係我多心啦。其实係朝见口晚见面嘅人啦，无必要啊。退一步，海阔天空。都算了解佢啦，唔好计较啦，乖啦～以前咁样咪几好～ |
|
|
